अतिशय हुशार, मेधावी आणि मेहनती lady scientist- कमलाबाई भागवत -सोहोनी. मुद्दाम lady का लिहावा लागलं यालाही कारण आहे. काहीतरी वेगळं करू पाहणाऱ्या स्त्रियांना नेहमीच तत्कालीन समाजाशी संघर्ष करावा लागलाय. "जीव रसायन शास्त्र" यासारखा सध्या प्रचलित परंतु त्याकाळी अप्रचलित विषयात त्यांना विसाव्या शतकात संशोधन करायचं होतं. तेव्हा सर्व पात्रता अंगी असूनही त्यांना बंगरुळूच्या च्या IISc संस्थेत चक्क Dr. C. V. Raman यांनी प्रवेश नाकारला . कारण --- कुठल्याही स्त्रीला तोपर्यंत तिथे प्रवेश दिला गेला नव्हता एवढंच. स्त्रीचं हे क्षेत्र नाही असं परस्पर सगळ्यांनी ठरवून टाकलं होतं. संघर्ष करून प्रचंड मेहनत आणि अपार बुद्धिमत्तेच्या जोरावर त्यांनी स्वतःचं संशोधन केलं.