इवल्याशा पावलांनी आलेली ती.. लहानशी जिवणी , इवलेसे हात आणि डोळे मात्र भावपूर्ण ..मोठे आणि पाणीदार... सगळं जग बघण्यासाठी भिरभिरती नजर. झोप अशी नाहीच.. सगळ्या जगाशी ओळख करून घेण्यासाठी धडपड... पालथं पडायची घाई.. रांगण्याची घाई आणि आणि चालण्याची पण... एक जात्याच चंट पणा असतो तिच्यात .. आनंद घेताना आपल्याभोवती आनंद पसरवण्याची एक कला असते तिच्यात . लवकर शहाणी होते . mature होते . स्वत्वाची जाणीव व्हायला होते. आणि स्वतःची एक ओळख तयार करण्यासाठी एक अंतर्भूत असोशी. "हे असं का?", " ते तसं का?" असे असंख्य प्रश्न . योग्य उत्तरं नाही मिळाली कि चीड चीड.